B17974
14 days return right
Delivery from 200 Lek
Free Delivery to Pickup Point
SuperMart purchase protect
Find similar
Description
Në mos edhe më i rëndësishmi, K.P. Kavafis është pa dyshim poeti më i njohur i Greqisë moderne. U lind në Aleksandri të Egjiptit më 29 prill 1863 dhe vdiq në të njëjtin vend e në të njëjtën datë, të vitit 1933. Më 30 nëntor 1903, nëpërmjet një artikulli të shoqëruar nga tetë poezi, botuar në gazetën «Panathinea», shkrimtari G. Ksenopulos e prezantoi Kavafisin në Greqi, prezantim që, përgjithësisht, u prit keq nga qarqet letrarë të kohës;
Në skenën europiane, u prezantua në vitin 1919 nga anglezi E.M. Forster, i cili -por edhe Ungaretti e Kazanxaqis- shkoi dhe e takoi poetin në Aleksandri. K.P. Kavafis përbën një rast krejt të veçantë në traditën letrare në Greqi e më gjerë, i pangjashëm me asnjë nga paraardhësit e tij, qofshin këta grekë apo të huaj. Toni alegorik dhe ironia mund të përmenden si dy nga tiparet më spikatës të poezive të Kavafisit, pjesa më e madhe e të cilave kanë fabul e personazhe të huazuar prej lashtësisë historike a legjendare.
Gjithë poetët e mëvonshëm grekë (dhe jo grekë: Auden, Borges, Brodskij, Holub, Miŀosz, Montale), kush më shumë e kush më pak, janë ndikuar nga Kavafis. Kazanxaqis, Ricos, Engonopulos e të tjerë kanë shkruar për këtë poet të madh, nga më fenomenalët e letërsisë mbarëbotërore, poezi, ese, studime, kujtime. Por, ndoshta, vlerësimin më të saktë për rëndësinë e veprës së Kavafisit e ka dhënë vetë poeti, në një shënim me titull «Vetëlavdërim», ku thotë: «K. P. Kavafis është poet i brezave të ardhshëm», duke himnizuar, natyrisht, jo gjenialitetin e tij, por idealin poetik të cilit i kishte shërbyer, si dhe poezinë e re që kishte filluar të shkruhej aso kohe në Europë.
Në skenën europiane, u prezantua në vitin 1919 nga anglezi E.M. Forster, i cili -por edhe Ungaretti e Kazanxaqis- shkoi dhe e takoi poetin në Aleksandri. K.P. Kavafis përbën një rast krejt të veçantë në traditën letrare në Greqi e më gjerë, i pangjashëm me asnjë nga paraardhësit e tij, qofshin këta grekë apo të huaj. Toni alegorik dhe ironia mund të përmenden si dy nga tiparet më spikatës të poezive të Kavafisit, pjesa më e madhe e të cilave kanë fabul e personazhe të huazuar prej lashtësisë historike a legjendare.
Gjithë poetët e mëvonshëm grekë (dhe jo grekë: Auden, Borges, Brodskij, Holub, Miŀosz, Montale), kush më shumë e kush më pak, janë ndikuar nga Kavafis. Kazanxaqis, Ricos, Engonopulos e të tjerë kanë shkruar për këtë poet të madh, nga më fenomenalët e letërsisë mbarëbotërore, poezi, ese, studime, kujtime. Por, ndoshta, vlerësimin më të saktë për rëndësinë e veprës së Kavafisit e ka dhënë vetë poeti, në një shënim me titull «Vetëlavdërim», ku thotë: «K. P. Kavafis është poet i brezave të ardhshëm», duke himnizuar, natyrisht, jo gjenialitetin e tij, por idealin poetik të cilit i kishte shërbyer, si dhe poezinë e re që kishte filluar të shkruhej aso kohe në Europë.
Reviews
No reviews found