Teknologjia Per Stiliste Dhe Rrobaqepes

Pas arsimimit profësional si teknologe për stiliste dhe rrobaqepëse, Mira (Mihase) Mehmeti, fitoi një përvojë shumëvjeçare si teknologe stiliste në Byronë Teknologjike të Veshjeve, Tiranë.
Përvoja e punës, dëshira për profesionin, mundësitë e reja që u krijuan asaj, pas viteve 1990, në disa studio mode, në Amerikë, e bënë autoren një profesioniste të vërtet në fushën e stilimit, modës dhe veshjeve.
Dëshira për t’ju shërbyer të tjerëve, me përvojën e fituar, sidomos atyre që duan të hapin një biznes në këtë fushë, e nxiti për botimin e këtij libri.
Libri sjell, tek lexuesi, mënyrat e krijimit të kallëpeve për veshje, nga më të ndryshmet, kryesisht, për gra dhe fëmijë. Autorja jo vetëm që mëson dhe orjenton një veprimtari të tillë por jep përvojën edhe se si mund të pasurohet veprimtaria në stilistikë, që të mos jesh rob i praktikave të gatshme në përgatitjen e veshjeve për mosha të ndryshme dhe në stinë të ndryshme.
Sipas autores, në praktikë, stilistët ndeshen me trupa të ndryshëm, me fizikë ndonjëherë edhe të deformuar apo, pse jo, me gusto nga më të pazakonta të klientëve të cilët duhet të kënaqen nga shërbimi për veshjet e tyre. Në të tilla raste kordinimi i përvojës teorike me atë praktike është, e domosdoshme, një barkë që të shpëton në profesionin e stilistit.
Libri ka të përmbledhur edhe përvojën e vajzës së Autores (Mirelës) e cila është arsimuar për stiliste në Romë dhe ka punuar si stiliste pranë firmës së njohur “Xhani Versace”.
Libri mund t’ju shërbejë, fare mire, edhe nxënësve të shkollave profesionale, nga i cili mund të marrin përvoja të mira teorike, praktike dhe shkencore.