Problemi Shqiptar Ne Rs Te Maqedonise

Ky studim monografik synon të hedhë dritë mbi procesin e zhvillimit të shqiptarëve në RS të Maqedonisë, gjatë periudhës kohore 1966-1974. Kjo përbën një moment shumë të rëndësishëm për Republiken e Maqedonisë Veriore në përgjithësí, e për shqiptarët brenda territorit të saj në veçanti. Përmes këtij punimi, do të ofrohen të dhëna të reja lidhur me qëndrimin dhe qasjen ndaj problemit shqiptar të udhëheqjes së atéhershme politike të RSF të Jugosllavisë, përkatësisht RS të Maqedonisë.
Lidhur me zgjerimin e të drejtave nacionale të shqiptarëve në RS të Maqedonisë, ekzistonin dy botëkuptime të ndryshme politike. Fillimisht, mbisundonte mendimi se në Maqedoni nuk duhet shpejtuar, sepse per dallim nga shqiptarët në KSA të Kosoves, shqiptarët në RS të Maqedonisë, nuk na paskan qenë aq të diskriminuar, nga vet fakti se ketu nuk ka sunduar Rankoviqi. Zbatimi i një politike të tillë, shkaktoi revoltë te një pjesë e inteligjencës shqiptare, e cila në mënyrë të hapur shprehu idenë e krijimit të një "qendre kulturore e politike" për shqiptarët në RSFJ-ë. Dalja në sipërfaqe e kësaj ideje. nxiti udhëheqjen politike të RSM-së që ndaj problemit shqiptar të ketë një qasje më ndryshe.
Studimi ështe strukturuar në kater kapituj, ku pasqyrohet gjendja e përgjithshme politike, nacionale, arsimore, kulturore dhe ekonomike të shqiptarëve në RS të Maqedonisë dhe poashtu janë përshkruar disa ngjarje më me rëndësi, siç jane burgosjet masive të shqiptarëve në përgjithësi, e të inteligjencës së saj në veçanti, hapja e shkollave turke në vendbanimet e pastra shqiptare, regjistrimi i popullsise gjatë vitit 1953 ku numri i shqiptarëve në RSM-e në mënyrë artificiale qe përgjysmuar, procesi i shpernguljes së dhunshme të shqiptarëve për ne Republiken e Turqisë etj.