Ne Panteonin E Lirise

Autori, përmes kësajë vepre monografike, historiko-etnografike “Në Panteonin e Lirisë”, paraqet përmasat e “Bijve të Lirisë", Dëshmorëve të Belshinës e të mbarë Pukës.
Kjo vepër është e bazuar në dokumenta arkivore, botimet, këngët, që u kushtoheshin këtyre dëshmorëve, të mblidhen dhe pas një studimi të kujdesshëm, si dhe të konsultimeve të vazhdueshme me Muzeun Historik të Pukës, arriti të përgatisë këtë monografi me vlera historike pak të njohura në tërësi, siç është realizuar nga autori.
Duhet pranuar e mirëpritur se pasuria e madhe e materialit burimor është vlerësuar me të drejtë prej autorit duke arritur që portretet e luftëtarëve dëshmorë të jenë sa më të plotë dhe mjaft konkretë. Kështu do t’ua bëjë të mundur studiuesve e autorëve të ndryshëm që të citojnë edhe këta dëshmorë gjatë pasqyrimit të vlerave luftarake për Liri e Pavarësi të Berishës, Pukës e mbarë Atdheut.
Duke e analizuar këtë vepër, shohim se ç’përpjekje serioze dhe të vështira ka bërë autori për ta trajtuar në mënyrë organike tërësore gjithë materialin e mbledhur me aq kujdes e përkushtim në funksion të jetës e të veprës së këtyre luftëtarëve.
Por ndër risitë themelore të kësaj vepre janë edhe paraqitja për herë të parë përmes një libri të gjithë Dëshmorët e Atdhetu të rënë ndër vite në viset e Pukës ku me një pjesë të madhe të prej tyre lexuesit dhe studiuesit njihen për herë të parë, si dhe paraqitja e mjaft toponimve me rëndësi të madhe historike për etnicitetin e Kombit Shqiptar.
Për sa i përket strukturës së librit “Në Panteonin e Lirisë”, duhet pohuar, përmban mjaft vlerësime e të dhëna nga studiues, personalitete e autorë shkrimesh etj., duke e bërë botimin më të plotë e organik.
E gjithë kjo punë e kryer me durim e përkushtim, e shtrirë në kohë, paraqitet si një ndihmesë e veçantë në historiografinë tonë deri me përmasa kombëtare, si një model për botime të tilla.