Legjenda E Pendragonit

Kështjella e Pendragonit në Uells ka qenë për shekuj me radhë një laborator magjie, strehë heretikësh, humus i përshtatshëm për diturinë atavike të popullit kelt, seli e Rozakroçeve, mjeshtërve të fundit të mëdhenj të arteve okulte. Pikërisht në bibliotekën shumë të pasur të kësaj kështjelle Janos Batki, protagonisti i romanit, shkon për të avancuar kërkimet e tij. Batki, një viveur, një snob “neo-mendjelehtë”, siç i pëlqen ta përkufizojë veten, një erudit që studion vetëm gjëra të kota, filoaristokrat dhe donzhuan, e pranon me kënaqësi ftesën e të fundmit të Rozakroçeve dhe niset në drejtim të kësaj kështjelle të zymtë. Befasia që e pret brenda mureve të kësaj kështjelle, ka të bëjë me sfera të ndryshme: nga e mrekullia te misteri, te magjikja, te erotikja, te komikja, deri te e përbindshmja. Pas më shumë se tetëdhjetë vjetësh nga botimi i parë, “Legjenda e Pendragonit” mbetet një nga romanet më të bukura nga letërsia hungareze dhe që është botuar në shumë gjuhë të botës.
* * *
Antal Szerbi ështe një nga shkrimtarët më të njohur hungarezë të të gjitha kohërave. Veprat më të rëndësishme të tijjanë romanet “Legjenda e Pendragonit” dhe “Udhëtari dhe drita e hënës”. Ai ishte edhe teoricien dhe historian i rëndësishëm i letërsisë.
Vdiq në vitin 1944, në një lager nazist.
* * *
“Tekstet e Szerbit, lexohen ende me kërshëri për shkak të ironisë therëse, forca emocionale e së cilës rrjedh nga natyra e tij e dyfishtë. Pas ngjyrimeve të humorit të hollë anglez ndihet fuqia e traditës kontinentale dhe e mendimit hebraik, kulturës së cilës i përkiste”.
__Gianpiero Cavaglia
* * *
“Legjenda e Pendragonit” është një gërshetim i ëmbël satirik i zhanreve gotikoromantike, i ndërthurur me mister, humor dhe emocion. Ky roman është një himn për Britanofilinë.
_The Guarddian
_ _ _
Antal Szerb [1901–1945] lindi në Budapest dhe studioi për letërsi gjermane dhe angleze në vitin
1924. Mbas mbarimit të studimeve jetoi në Francë, Itali dhe Angli. Në vitin 1929, ku botoi edhe librin e
parë, Një përmbledhje mbi Letërsinë Angleze. U zgjodh President i Akademisë Letrare të Hungarisë, ndërsa në vitin 1933, botoi romanin “Legjenda e Pendragonit”, i cili bazohet në përjetimet e tij personale në Britani.